Aló Irmao visita Brasil. O 27 e o 28 de novembro Fran Pérez Narf e Manecas Costa revisarán con 10 alumnos que achegan distintos instrumentos de percusión Quero ser Tambor nun obradoiro cuxo resultado amosarán todos xuntos sobre o escenario principal do Mercado Cultural de Salvador, no Teatro Castro Alves, o día 4 de decembro ás 20h. Completan a xira brasileira de Aló Irmao as actuacións no Centro de Cultura ACM de Jequié, o día 1 de decembro ás 20h, e o concerto na Sala Adoniram Barbosa de São Paulo, o día 2 de decembro ás 21h.
O compositor e multinstrumentista francés Yann Tiersen regresa máis electrónico, máis vocal e máis enérxico que nunca con Dust Lane, o seu último disco, aínda inédito, que presenta este sábado no Mulitusos Fontes do Sar de Santiago de Compostela ás 22 horas. O músico, autor das bandas sonoras de Amélie e Good Bye Lenin!, gravou a pasada primavera os oito temas deste novo traballo, que se editará nos vindeiros meses, pero que xa dá a coñecer ao seu público nesta xira. Santiago de Compostela é a última cita española de Tiersen, despois de Barcelona e de Madrid. As entradas poden adquirirse na taquilla electrónica de Caixa Galicia, cun prezo de 15 euros anticipada e 20 euros o día do concerto.
Despois de dous anos de traballo nace Dust Lane, un disco atmosférico que mestura sons electrónicos con partes vocais e coros. Yann Tiersen continúa así a liña eléctrica e rockeira que xa iniciara no seu anterior álbum de estudo Les Retrouvailles (2005). E para redondear este traballo o compositor francés conta coa colaboración de artistas como os franceses Syd Matters, Orka ou Matt Elliott, entre outros. Precisamente, será Matt Elliott, que comenzou a súa carreira muscial como The Third Eye Foundation e que tamén formou parte de Movietone e de Amp, o encargado de abrir o concerto este sábado en Compostela.
Nordesía participa este ano por primeira vez na Feira Internacional de Música de Bos Aires (Bafim) e aproveita a oportunidade para presentar en Arxentina Aló Irmao e o Eterno Navegar de Uxía. A noite atlántica de Nordesía en Bos Aires será o sábado día 21 de novembro ás 21h en La Trastienda.
María del Mar Bonet actuará o 21 de decembro ás 21h no Teatro Principal de Pontevedra. O concerto celébrase en virtude do convenio suscrito untre o ICIC e a AGADIC para desenvolver o programa Catalan Music on Tour.
Fuxan os Ventos actuará no Teatro-Sala de concertos do Centro Cultural Caixanova de Vigo o mércores 16 de decembro ás 20.30h con motivo do Concerto de Nadal que organiza todos os anos a Vicerectoría de Extensión Cultural da Universidade de Vigo. Fuxan os Ventos presentará neste concerto o seu espectáculo Terra de Soños, no que conta coa participación de Uxía, Xavier Díaz, Guadi Galego, Nova Galega de Danza, Rodrigo Romaní, Miguel Lustres, Sabela Rodríguez e Pepe Ferreirós.
Aló Irmao, encontro creativo dun dos artistas máis sorprendentes do actual panorama musical de Galicia, Fran Pérez Narf, co gran guitarrista e cantante africano Manecas Costa, visita o Auditorio da Cámara de Comercio de Castellón este venres, 13 de novembro, ás 20h. O concerto enmárcase dentro do programa Los Sonidos de la Biodiversidad, que organiza a Fundación Caja Castellón.
Convertido nun dos grandes nomes da escea musical europea, o compositor e multi-instrumentista bretón Yann Tiersen regresa este outono aos escenarios para presentar en directo as cancións que gravou en 2009 para o seu novo e esperado disco, Dust Lane, que editará nos próximos meses. En Galicia, a cita será o sábado 21 de novembro ás 22h no Multiusos Fontes do Sar, en Santiago de Compostela. As entradas xa están á venda cun prezo de 15 euros anticipada e 20 euros o día do concerto.
Seguindo o camiño iniciado no seu anterior álbum de estudio, Les Retrouvailles (2005), Tiersen desenvolve en Dust Lane unha liña de traballo máis eléctrica, con sonoridades moito máis próximas ao rock. Para facelo, contou coa colaboración de artistas como Syd Matters, Orka ou Matt Elliott, entre outros. Precisamente, será Matt Elliott o encargado de abrir o concerto.
A última obra publicada por Tiersen é a banda sonora de Tabarly (2008), un territorio no que xa firmou grandes obras como as célebres Amélie ou Good Bye Lenin. Tabarly ilustra musicalmente o documental sobre o mariñeiro francés Eric Tabarly (tamén bretón, como Tiersen), desaparecido hai agora 10 anos.
Nordesía presenta Aló Irmao, encontro creativo dun dos artistas máis sorprendentes do actual panorama musical de Galicia, Fran Pérez Narf, co gran guitarrista e cantante africano Manecas Costa, o domingo día 11 de outubro ás 15.30h no Teatro Municipal Pedro Múñoz Seca, dentro da Monkey Week.
Ofrecémosvos o novo video de Blasted Mechanism, Grab a Son o mesmo día que Nordesía presenta este espectacular grupo portugués na Monkey Week. O concerto será esta noite no Monasterio de la Victoria, dentro do I’m an artist Festival. Os Blasted Mechanism compartirán escenario con Wire, Silver Apples, Los Coronas, Tokyo Sex Destruction, Paco Loco Trío.
Blasted Mechanism teñen compartido escenario con pesos pesados como Rage Against The Machine, Prodigy, Marilyn Manson, Beck, Nick Cave e Chemical Brothers. O pasado ano foron nominados como mellor banda portuguesa nos premios MTV Europa e agora, por fin, atravesan a fronteira. Estade atentos, van dar que falar.
Moriarty presentaron onte no Teatro Circo de Braga Gee Whiz But This Is a Lonesome Town, o seu último álbum, feito de historias sen idades nin fronteiras que os Moriarty contan de forma excéntrica. Gee Whiz But This Is a Lonesome Town xorde en 2007 como reflexo dunha carreira iniciada a finais da década dos 90 que culmina nun popcabaret da Dallas dos 30 que flutúa nas rúas do París de hoxe.
