Amparo Sánchez inicia a súa carreira en solitario, e faino na fronteira entre Estados Unidos e México. Alí, en Tucson (Arizona), foi gravado o videoclip de “Corazón de la Realidad”, o primeiro single do seu disco Tucson-Habana. O single foi gravado nos estudios WaveLab de Arizona con Joey Burns, John Convertino e Jacob Valenzuela de Calexico. O clip fírmao Danny Vinik, realizador norteamericano responsable de vídeos de grupos e artistas como Green on Red, Calexico, Steve Albini, Deborah Harry…

O disco sairá á venda o 15 de febreiro, e o 13 de marzo Amparo Sánchez arrancará en Bilbao a súa xira de presentación.