Uxía participa este domingo, día 7 de maio, ás 7 do serán no espectáculo Sereas, que recolle a creación feminina de 7 nomes fundamentais das voces galegas da actualidade e, con elas, propón un percorrido pola presenza da muller galega na música e unha reflexión sobre a súa invisibilidade histórica. O evento terá lugar no Teatro Rosalía de Castro da Coruña e contará coa presentación de Yolanda Castaño e coas actuacións de Mercedes Peón, Ugia Pedreira, Guadi Galego, Rosa Cedrón, Silvia Penide e Sonia Lebedynski, ademais da propia Uxía.

Máis información na web de Uxía

Uxía participa no proxeto Compositoras, unha iniciativa brasileña que reflexiona sobre o talento da muller como creadora musical no contexto da música popular brasileña. Cristina Saraiva, Etel Frota, Simone Guimarães e Socorro Lira son catro compositoras de diferentes rexións do Brasil, con diferentes historias, experiencias e influencias musicais e, porén, unidas pola sensibilidade e pola habilidade na arte da composición. Uxía participa no CD, que se presenta o día 7 de marzo en Sao Paulo, acompañando a Saraiva no tema “Miragem”.

O resultado da unión de estas e outras artistas como Luhli, Lucina, Ceumar, Clarisse Grova, Lucila Novaes, Ana Cascardo, Cris Lemos, Carla Visi ou Irah Caldeira é un disco dunha diversidade rítmica e melódica sorprendente, unha importante contribución á MPB de cada Canto do Brasil.

+ info na web de Verdes Trigos

A xunta directiva da Academia de las Artes y las Ciencias de la Música decidiu, por unanimidade, conceder a Pere Pubill Calaf, Peret, o Premio a Toda Unha Vida da XIV edición dos Premios da Música, que se celebrará o 4 de marzo no Teatro Häagen Dasz Calderón de Madrid.

Peret regresou nos 90 e ata hoxe segue gravando e coidando un legado que ten continuidade. En 2009, regalounos un soberbio repaso ás melodías que marcaron a súa infancia, como “Rascayú” ou “María de la O”, no disco De los cobardes nunca se ha escrito nada.

Máis información en:
MySpace de Peret

Daara J Family ven de anunciar que sacará novo disco en 2010. Despois do éxito de Boomerang, os rapeiros máis coñecidos do Senegal publicarán School of Life o 26 de abril, aínda que xa nos avanzan o clip do primeiro single, “Tomorrow”:

Máis información, no seu myspace

Marc Parrot falou hoxe en RNE do espectáculo que presentará esta noite ás 22 horas no Auditorio Municipal de Ourense e mañá, sábado 6 de febreiro, ás 21 horas no Teatro Principal de Santiago de Compostela. Un espectáculo único, ‘50 anos da Nova Cançó‘, no que revisa desde parámetros actuais os temas máis emblemáticos daquel movemento musical que nos 60 e 70 pariu temas que uniron á súa forza musical a súa potencia como ferramentas de contestación política. Unha ocasión de volver escoitar clásicos de Lluis Llach, Maria del Mar Bonet, Serrat, Raimon, Ovidi Montllor…

“Siset, que no veus l’estaca on estem tots lligats?
Si no podem desfer-nos-en mai no podrem caminar!”
(Siset, non ves a estaca na que estamos todos atados?
Se non conseguimos liberarnos dela non poderemos camiñar!).

Son versos de “L’estaca”, un tema emblemático do movemento da nova cançó, composto por Lluís Llach hai 42 anos. Marc Parrot recupérao no espectáculo ‘50 anos da Nova Cançó‘ xunto con outras cancións deste movemento musical catalán nacido hai medio século. As citas son este venres 5 de febreiro ás 22 horas no Auditorio Municipal de Ourense e o sábado 6 ás 21 horas no Teatro Principal de Santiago de Compostela.

Hoxe Parrot fala nunha entrevista en Xornal de Galicia da súa relación coa nova cançó: “Para min representa un mergullarse nunha época como unha resposta a unha necesidade de cantar en catalán sobre o que acontecía naqueles complicados anos e que acabou entrocando nunha xeración tan importante de músicos”. Tamén explica como afronta a revisión deses temas no espectáculo: “Busco que as cancións se adapten ao meu estilo e procuro que todas elas convivan no escenario sen sobresaltos. Seleccionamos instrumentos como o piano, a guitarra e a percusión clásica e sempre buscando a máxima do “menos é máis” na procura da esencia”.

Angélique Kidjo acaba de publicar novo disco, Oyo. Con este novo álbum, que nas súas primeiras semanas de vida xa obtivo excelentes críticas da prensa especializada, Kidjo volve ás súas raíces para interpretar a música que inspirou a súa infancia: Aretha Franklin, Curtis Mayfield, Otis Redding, James Brown e Makeba, ademais das cancións de Benin e da música tradicional das películas de Hollywood e Bollywood.

Kevin J. Custer dirxiu o clip do primeiro single do disco, “You Can Count On Me”, que podedes ver aquí:

Angelique Kidjo - “You Can Count On Me” from Kevin J Custer on Vimeo.

As primeiras críticas na prensa española:
Ricardo Aguilera, en El Mundo: “La voz telúrica de Angelique Kidjo tiene la virtud de hipnotizar al oyente”.
Miguel Botella, na Rockdelux: “En su lengua yoruba, en inglés o en francés, Angélique Kidjo se erige como una eficaz embajadora de la África contemporánea”.

Máis información:
Na súa web
No seu myspace

Marc Parrot é un artista con moitas caras que leva 17 anos enriba do escenario. Fíxose famoso polas súas versións de clásicos do pop español co nome de El Chaval de La Peca, un personaxe que abandonou hai anos para centrarse nunha carreira musical sólida, con catro discos en castelán e outros dous en catalán. Agora vén de lanzar Avions, un traballo en directo.

Parrot estará o venres 5 de febreiro ás 22 horas no Auditorio Municipal de Ourense, e o sábado 6 de febreiro ás 21 horas no Teatro Principal de Santiago de Compostela. Presentará un espectáculo único: ‘50 anos da Nova Cançó‘. Trátase dunha revisión, desde parámetros actuais dos temas máis emblemáticos daquel movemento musical que nos 60 e 70 pariu temas que uniron á súa forza musical a súa potencia como ferramentas de contestación política. Unha ocasión de volver escoitar clásicos de Lluis Llach, Maria del Mar Bonet, Serrat, Raimon, Ovidi Montllor…

Amparo Sánchez inicia a súa carreira en solitario, e faino na fronteira entre Estados Unidos e México. Alí, en Tucson (Arizona), foi gravado o videoclip de “Corazón de la Realidad”, o primeiro single do seu disco Tucson-Habana. O single foi gravado nos estudios WaveLab de Arizona con Joey Burns, John Convertino e Jacob Valenzuela de Calexico. O clip fírmao Danny Vinik, realizador norteamericano responsable de vídeos de grupos e artistas como Green on Red, Calexico, Steve Albini, Deborah Harry…

O disco sairá á venda o 15 de febreiro, e o 13 de marzo Amparo Sánchez arrancará en Bilbao a súa xira de presentación.

Sumrrá celebra o seu décimo aniversario coa presentación en Sons da Diversidade do seu último disco, 4.0. O ciclo organizado pola Concellaría de Cultura do Concello de Santiago aposta nesta ocasión por unha formación galega que se atopa na vangarda do jazz estatal. O sábado 23 de xaneiro ás 21 horas no Auditorio de Galicia, o trío formado por Xacobe Martínez Antelo (contrabaixo), Manuel Gutiérrez (piano) e LAR Legido (batería) volverá dar outra mostra da súa música, que bebe do jazz europeo e vangardista e toma elementos doutros xéneros como o pop, o rock ou o folk, para poñelos ao servizo da improvisación e do xogo.