 |
| Edición actual |
| Hemeroteca |
| SECCIONES |
| Titulares |
| A Fondo |
| Portada |
| Galicia |
| España |
| Internacional |
| Sociedad |
| Cultura y TV |
| Deportes |
| Economía |
| Marítima |
| Opinión |
| Última |
| Portada PDF |
 |
|
 |
| |
|
| SANTIAGO |
|
|
| :: |
Carlos
Blanco revoluciona o Outono de Teatro coa estrea de «Dillei» en
Carballo
A lista de espera para asistir á función desta
noite segue aumentando
A música xoga un papel fundamental na producción de Nordesía
|
| |
   |
| |
Moita xente quedará esta noite ás portas do Pazo
da Cultura de Carballo. Desde fai unha semana non hai entradas para
Dillei , a última aposta de Carlos Blanco, un dos
actores máis queridos polo público local, e a lista de espera segue
a medrar. Nesta aventura de narración oral e revolución musical,
o actor e agora tamén director ten todo o apoio, incluído o económico,
de Nordesía.
A estrea oficial de Dillei na capital de Bergantiños
supón «un verdadeiro empuxón ó noso Outono de Teatro», en palabras
de Alberto Sueiro, presidente da asociación cultural Telón e Aparte,
organizadora do festival xunto co Concello, e que onte asistiu a
un nutrido acto de presentación xunto ó alcalde, Evencio Ferrero;
a concelleira de Cultura, Belén Lendoiro, e boa parte das persoas
implicadas na montaxe, incluídos tódolos actores e músicos, que
levan xa algúns días ensaiando no Pazo da Cultura.
A elección non foi casual, porque Carballo, para Carlos Blanco,
é «un símbolo do que está pasando neste país, dunha transformación
que se vai producindo pouco a pouco, e o espectáculo vai un pouco
por aí». O comezo xa vai ser sorprendente. «O primeiro espectador
xa chegará tarde, pero iso é inevitable», advertiu o actor, de xeito
que incluso o máis madrugador se vai perder parte do texto de Antón
Reixa co que se abre a función. A música tradicional, os temas de
actualidade e unha recreación futurista na que aparecen o Prestige
«moi levemente» e a muller nun primeiro plano centran as tres narracións
do espectáculo, no que participan con música en directo Ecléctica
Ensemble e Dj Keison, e que tamén se apoia nunha serie de imaxes
expresamente elaboradas por Sr Pause. Dillei é teatro
comercial e moderno, «intentando conectar cun público xove que se
cadra vira un pouco as costas ó teatro», e concebido tanto para
interior como para exterior. O punto de partida non podía ser mellor,
«e se algo falla, a culpa é toda miña», di, como seu humor habitual,
Carlos Blanco.
(la voz | carballo)
|
| |
|
|
|
| EDICIONES |
 A Coruña |
| A Mariña |
| Arousa |
| Barbanza |
| Carballo |
| Deza-Tabeirós |
| Ferrol |
| Lemos |
| Lugo |
| Ourense |
| Pontevedra |
| Santiago |
| Vigo |
| Madrid |
|
|
|
 | |
