A súa imaxe afro-portuguesa de cabelos branqueados fálanos dunha artista pouco convencional. En efecto: Mariza volta a invertar o fado anque interprete o fado máis clásico. Chegada á escena da man da nova sabia de voces portuguesas, xa despunta como ninguén. E se o seu primeiro traballo, Fado en Mim, móstraa como unha vocalista poderosa, escoitala en directo é a única maneira de entender por qué está causando sensación: "preciso percibir a participación d público, o intercambio de enerxía entre eles e eu. O vello mito do fado estático é un concepto superado".

Non é frecuente poder dicir con razón que "naceu unha estrela". Nembargante, a súa recente ascensión ó éxito xustifica a utilización do clixé. Sobre o escenario emana encanto e carisma a partes iguais. Co seu gusto impecable pola alta costura, cabelo inmaculadamente esculpido e a súa gran voz, forte pero sensual, reúne todos os requisitos para unha carreira realmente estelar.

A publicación de Fado en Mim mereceu loubanza universal e numerosos recoñecementos internacionais como o Premio á Mellor Artista Europea 2003 otorgado pola BBC británica. Algo que tamén serviu para atraer a atención do mundo cara a un amplo renacemento das raíces portuguesas.

Pese a que naceu en Mozambique, pasou a maior parte da súa infancia no barrio lisboeta de Mouraria, que algúns describen como lugar de nacemento do fado. Dende moi nova tiña claro que quería converterse en cantante, e o restaurante dos seus pais era o lugar ideal para comezar a cantar fado. Durante a súa adolescencia e primeiros anos de xuventude, sen embargo, desertou do estilo en favor do soul e do funk. Pero cando o productor e músico Jorge Fernando escoitouna cantar fados unha noite, de forma ocasional, quedouse tan impresionado que lle suxeriu que gravase todo un disco neste xénero.

Nun principio dubidou, pero finalmente aceptou, con un resultado tan popular entre o público portugués que Mariza foi inmediatamente comparada coa gran fadista Amalia Rodrigues. "É un gran cumprido", explica Mariza, "pero somos moi diferentes, porque ela tiña un xeito de sentir, e eu teño o meu xeito de sentir a miña música e o meu xeito de ver o mundo". Dende logo, a partir de Mariza o fado nunca volverá a ser o mesmo...