De formación autodidacta na música tradicional galega. Posteriormente recebe clases de acordeón de Victor Prieto, de percusión de Javier Ferreiro e Leo Pimentel, e de armonía, composición e arranxos de Suso Atanes e Abe Rábade.

Dende 1995 é membro do Grupo de Música Tradicional do IGAEM (Instituto Galego das Artes Escénicas e Musicais). Dende 1996 forma duo co recoñecido gaiteiro Xesús Vaamonde. Entre 1996 e 2000 forma parte como percusionista e compositor do cuarteto tradicional Lelia Doura, co que acada as máis importantes distincións dentro da música tradicional en Galicia.

Entre 1999 e 2001 forma parte do espectáculo multiartístico Projecto Ninguém, na súa montaxe "Ball-cans"; e participa en numerosos proxectos que van dende as sintonías radiofónicas (cadena SER), ou a edición colectiva de partituras ("Doce polainas enteiras"), a colaboracións en traballos de artistas como Mercedes Peón, Antón Seijo, Xesús Vaamonde, Trajadesaliva...

En 2000 asume a composición e dirección musical da compañía NOVA GALEGA DE DANZA, da que tamén é acordeonista e percusionista. Dende 2001 é colaborador e locutor habitual do programa de música "Lume na palleira" da Radio Galega (radio pública galega).