 A
vida de Carlinhos Brown mudou completamente
nos últimos dous anos converténdose nun dos artistas
de maior proxeccion mundial do momento. Discos, intervencións
en películas e implicación en proxectos de carácter
social, fan do bahiano a estrela mundial da música do momento.
A conexión de Carlinhos Brown co público e o seu poder
de convocatoria son absolutamente fascinantes.
O estado de Bahía en Brasil deu orixe
a unha morea de músicos que sen dúbida levan conquistado
ao mundo co seu talento. No bairo de Candeal Pequeno nacía
Antonio Carlos Santos de Freitas. Na adolescencia decidiu facerse
chamar Carlinhos Brown, nome inspirado por H. Rap Brown, militante
do movemento dos Panteras Negras. Asi naceu o cantante, compositor
e instrumentalista de carácter internacional que coñecemos
hoxe.
Considerado un dos artistas máis creativos
dentro da nova xeración de músicos brasileiros, Carlinhos
está moi conectado ás últimas tendencias contemporáneas
e o seu mérito fundamental ten sido acadar unha total integración
entre os ritmos afro-brasileños e a música pop. A
súa destreza para desenvolver novas experiencias musicais
conduciuno ate un estilo moi persoal.
No ano 1985 Carlinhos Brown tivo o sue primeiro
éxito; Luis Caldas, outro músico da xeración
bahiana de artistas, gravou "Visao de Cíclope",
a primeira composición de Brown que se convertiu nun éxito
nas emisoras de radio. Ao final do ano houbo 26 composicións
de Carlinhos nas playlists das emisoras de radio, fenómeno
que lle proporcionou o Trofeu Caymmi, o premio máis importante
de música Bahiana.
Un ano máis tarde Caetano
Veloso, un dos iconos da música Bahiana e de Brasil,
fixoo parte da súa banda e transformou a Carlinhos Brown
no triunfo dos seus concertos. Axiña un público máis
amplo, ademáis de productores e outros artistas brasileiros
descubriron a Brown e decatáronse do seu potencial. Así
xurdiron xiras internacionais xunto a Joao Gilberto,
Joao Bosco e Djavan.
Carlinhos xa estaba facendo música para o mundo.
Ate hoxe Maria Bethânia,
Gael Costa, Nando
Reis, Daniel Mercury, Herbert
Vianna, até a banda heavy metal Sepultura,
teñen traballado ou gravado composicións de Carlinhos
Brown ou cantado con el. Proba desas frutiferas colaboracións
é o exitoso disco Tribalistas
xunto a Marisa Monte e Arnaldo
Antunes.
O
Entroido e CARLINHOS BROWN
O carnaval de Bahía sempre ten sido
unha grande parte da vida de Carlinhos. El era un dos primeiros
músicos en usar o tambor timbau, un instrumento que se usa
durante as cerimonias relixiosas, nas rúas de entroido. O
seu trio electrico, un gran caminón que leva enriba unha
banda, sempre ten milleiros de persoas detrás.
Este artista singular tamén aplica
as súas intuicións e o seu atrevemento a proxectos
colectivos musicais; dese xeito xurde Timbalada.
Este grupo formado por adolescentes e adultos, cantantes e compositores
do barrio de Candeal pequeno e doutras comunidades de Salvador -é
o máis visibel destes proxectos ate agora e xa gravou 8 discos,
cada un dos cales ten sido producido por Brown.
En novembro de 2002, Carlinhos Brown recibiu
o premio UNESCO na categoría
de xuventude. Este recoñecemento débese a que é
o fundador da Associaçao Pracatum Açâo Social,
APAS, no Barrio de Candeal Pequeno, históricamente unha das
barriadas máis pobres de Salvador de Bahía.
A primeiros de setembro de 2003 unha nova
distinción para o musico bahiano, desta vez o Grammy
Latino na categoría de "Mellor
Album Pop Contemporáneo Brasileño"
por Tribalistas, xunto a Marisa Monte e Carlinhos Brown. Este album
vendeu máis de un millón e medio de copias.
Na súa carreira en solitario Carlinhos
Brown sempre sorprende polo seu alto nivel técnico, presente
en todas as súas produccións, polo coidado e mimo
con que trata as súas cancións, evidenciando as súas
multiples influencias culturais e o seu don transformador. O seu
primeiro disco en solitario Alfagamabetizado
foi aclamado pola crítica en 1996. No ano 1998 seguiulle
o album Omelete Man, no cal se deu
un cambio de estilo desde o son axé e no que Carlinhos cantaba
algúns dos temas en inglés. Tres anos despois "Bahía
do Mundo, Mito e Verdade" saía publicado
revelándose como un punto de encontro entre Brasil e África,
entre o rock e o jazz, entre o pop e a música contemporánea.
A vea latina sae a relocir en Carlinhos
Brown es Carlito Marrón (2003) . Segundo explica
o artista este disco "é un proceso de relatinización.
Este proceso que ven do corazón non está investigado
nos libros, non está estudiado, é un proceso oral,
é o que teño aprendido cos meus viciños, cos
meus amigos, escoitando música do mundo enteiro e principalmente
dentro da miña familia".
É un disco contaxioso, para os ouvidos
máis esixentes. Provoca que o corpo baile guiado polos innovados
sons ancestrais da formación da musicalidade latina, traspasando
os ritmos caribeños, atravesando Europa e alcanzando o Oriente.
Carlinhos Brown levou a maxia deste disco por Europa e Estados Unidos,
participando en festivais multitudinarios como o Roskilde en Dinamarca,
o Amsterdam Roots Festival ou o Nice Jazz Festival.
No ano 2004 o Forum das
Culturas de Barcelona pediu a Carlinhos Brown que leve
a Barcelona por primeira vez o entroido de Bahía. O artista
conseguiu que ao redor de 400.000 persoas se reuniran no Paseo de
Gracia da cidade catalana.
Durante xullo e agosto Carlinhos actuou nalguns
dos festivais máis importantes da península: o Festival
de Jazz de Donostia, festas do San Fermín de Pamplona ou
La Mar de Músicas de Cartagena. Pero sen dúbida onde
deu boa proba da súa capacidade de convocatoria foi na Festa
dos Mundos na praia de Santa Cristina (Oleiros) ante
máis de cen mil persoas que vibraron co que foi o grande
protagonista deste multitudinario festival.
A comezos de setembro Carlinhos Brown foi
galardoado co Grammy Latino polo Mellor
Album Contemporáneo Brasileño polo seu album Carlito
Marrón. Asimesmo, en Barcelona, xunto a Fernando
Trueba e Bebo Valdés, foi nomeado pola ONU-Hábitat
como Mensaxeiro da Verdade. Coincidindo
con isto e coa clausura do Forum, celebrouse a estrea europea da
nova película de Trueba, El milagro de
Candeal. O filme narra a viaxe a Salvador de Bahía
de Bebo Valdés a través do cal coñece aos protagonistas
da vida cotiá da comunidade de Candeal así como os
proxectos sociais que se están a desenvolver en dita comunidade.
O musical social El milagro de Candeal conseguiu dous Premios Goya,
un na categoría de mellor documental e outro pola mellor
canción, Zambia Mameto, composta por Carlinhos.
Vinte mil persoas disfrutaron dos novos temas
da película e dos éxitos de Carlinhos no concerto
especial que deu o dia despois da estrea da película no Recinto
do Forum.
|
ENTRADAS:
18 euros en