|
Sinopse
Trátase
da adaptación libre dun formato de comedia musical con éxito
internacional no que un grupo de coñecidos actores e actrices
galegos falan con humor e ironía do noso xeito de ser e de
entender o mundo, acompañados de música en directo
e dun espectacular despregue de luz e son.
"O
País da Comedia" está especialmente recomendado
para un público adulto que poderá atopar caras amplamente
coñecidas na pequena pantalla como Ernesto Chao, Mabel Rivera,
Santi Romay ou Carlos Blanco xunto con Quico Cadaval, o máis
internacional dos contacontos de Galicia.
Pensado
especialmente para Teatros e Casas da Cultura, "O País
da Comedia" tenta achegar ao noso país un espectáculo
que triunfa en todo o mundo, pero falando de nós e dende
nós, sempre co humor por bandeira e o directo como compromiso
imprescindible.
Doce
persoas, entre actores, músicos e técnicos compoñen
o equipo de "O País da Comedia", que foi estreado
en Fene, como peche do Congreso de Humor que alí tivo lugar
no mes de Decembro de 2001. Este espectáculo se está
representando actualmente por toda Galicia e mesmo está prevista
unha versión en castelán para se achegar ata outras
latitudes.
|
