|
Considerada
como a mellor cantante gaélica da actualidade e coñecida
sobre todo polo seu traballo con Capercaillie, a formación
máis popular da música celta, Karen Matheson presentase
como solista no noso país aínda que nesta ocasión
acércanos o seu segundo traballo discográfico en solitario
"Time to fall". O ton xeral deste disco marca unha diferencia
clara con traballos anteriores, mergullando de cheo nun melodismo
de tempos medios e lentos, con algúns paisaxes lounge e so
nalgúns coros descubrimos as reminiscencias da súa carreira
de grupo.
Karen
herdou a súa vos pura e emotiva da súa avoa, unha cantante
orixinaria das illas Hébridas, dela aprendeu a modular a súa
voz e vellas cancións que incorporou ó seu repertorio.
Ó
seu éxito como cantante de Capercaillie temos que sumarlle
o éxito das súas colaboracións en proxectos como
"Heritage de Celts" con Donal Luny, Dan Ar Braz, o cantante
bérber Idir, Emmylou Harris, The MacGarrigle Sisters, Nanci
Griffiths, Paul Brady, Secret Garden ou Tommy Smith.
A
primeira vez que o actos Sean Connery escoitou a súa voz na
película "Rob Roy" non puido conter a súa
emoción: "Parece unha gorxa tocada polos deuses".
Á súa voz sublime temos que engadir unha colección
de cancións que confirman o seu lugar entre as cantantes máis
respectadas internacionalmente. O repertorio que presenta en solitario
destaca por unha serie de baladas de extraordinaria beleza e inclúe
cancións de corte máis electrónico e experimental.
En
directo vai acompañada por recoñecidos músicos
da escena escocesa entre os que destaca James Grant, fundador de Love
& Money e Friends Again, Ewen Vernal de Deacon Blue, James Mackintosh
de Shooglenifty ou Donal Shaw de Capercaillie.
|
