|
Con
motivo da celebración da IV Feira do Humor de Pontevedra,
o actor Carlos Blanco fará a estrea dun novo e exclusivo
espectáculo de humor a petición do Concello de Pontevedra.
Este
espectáculo está concibido como un xeito comprimido
e áxil de amosar ao espectador os diferentes xéneros
narrativos da tradición oral existente na Galicia dos nosos
días; unha combinación única de humor e música
dirixida e concibida polo máis recoñecido contador
e comunicador galego.
Vía
Oral por Carlos Blanco.
Un
espectáculo concibido para un espacio ao aire libre, cun
tempo aproximado de 100 minutos, música en directo e, sobre
todo, humor.
Trátase
da palabra, da narración, dun espectáculo onde analizaremos
un tempo e un pais: este que nos toca vivir.
Farémolo
dun xeito áxil, mesturando a música coa palabra, xogando
con diferentes estilos de narrar, desde o cantar de cego, a regueifa
ou o rap.
Partimos dun esquema recoñecible polo público, o formato
dado a coñecer polo denominado Clube da Comedia, o clásico
satnd-up comedy saxón, de éxito actualmente entre
nós.
Pero
queremos ir un pouco máis aló. Rachar ese esquema
un tanto ríxido e previsible, para ofrecerlle a un público
intelixente algo máis.
Haberá,
por suposto, stand-up comedie, e para eso contaremos con nomes como
Patricia Vázquez, Santi Romay ou Carlos Blanco, de probada
traxectoria neste xénero. Pero tamén a arroutada oral
de Xurxo Souto, con historias do mar contadas a ritmo vertixinoso
e con apoio da música.
Queremos
tamén achegarnos a un xeito novo de narrar: o rap, historias
urbanas contadas para os/as máis novas e de aí a presencia
do rapeiro máis prestixioso do pais D.J. Heavy, compoñente
do grupo No Residents e un probado rimeiro e improvisador.
Como
contraste, Vía Oral ofrece tamén a presencia da regueifa
musical de Luís Caruncho e Benito Lobariñas, músicos
e regueifeiros de ampla traxectoria no pais e que experimentan con
nós o traballo que veñen desenvolvendo nos últimos
tempos.
E
dado que contaremos cunha banda de autentico luxo, e tendo en conta
que entre os/as artistas presentes, hai voces tan importantes como
a de Patricia ou Xurxo, preparamos un fin de desta musical que,
sen dubida, sorprenderá ao público.
Trátase
por tanto dun esforzo de producción, un total de ….
artistas en escena, e unha proposta que consideramos novedosa, atractiva
e con posibilidades de satisfacer plenamente a demanda dun público
intelixente, crítico e participativo.
|
