NORDESÍA PRODUCCIÓNS S.L. nace no ano 1996 integrada por profesionais de longa traxectoria no ámbito empresarial e cultural, como empresa de servicios especializados, NORDESÍA abarca a producción total de calquera tipo de acontecementos artísticos e culturais: Música, teatro, danza, instalacións, multi-media, etc.

As accións levadas a cabo por NORDESÍA PRODUCCIÓNS S.L. encádranse maioritariamente no ámbito musical e teatral no que trata de ser unha empresa altamente especializada, sobre todo no referente ao coñecemento, tratamento e comercialización de músicas procedentes de continentes e culturas diversas.

NORDESÍA TEATRO comeza a súa andadura no ano 2001 no que presenta, en coproducción co IGAEM a obra “Eliana en Ardentía” de Roberto Salgueiro, texto gañador do premio Alvaro Cunqueiro no ano 2000.
Ampliamente apoiada pola crítica “Eliana en Ardentía” realiza unha importante xira por diversas cidades galegas ao longo do ano 2002.

No ano 2002 e tras unha excelente acollida no ámbito da producción teatral, NORDESÍA TEATRO aposta por un formato completamente distinto ao teatro de época plantexado con Eliana. Desta volta embárcase na producción de O País da Comedia, adaptación libre dun formato con éxito internacional no que un grupo de coñecidos actores e actrices galegos coma Santi Romay, Mabel Rivera, Ernesto Chao e Quico Cadaval, capitaneados e dirixidos por Carlos Blanco falan con humor e ironía da nosa particular forma de ser e de entender o mundo, acompañados da música en directo dos Cool Hamster. A forza, sinxeleza e sobre todo o achegamento ao público dun espectáculo destas características fixo de O Pais da Comedia un rotundo éxito en toda Galicia, conseguindo gracias á espectacular acollida do público encher teatros galegos que resultaba difícil lembrar con asentos baleiros.

Na súa teima de plantexarse novos retos NORDESÍA TEATRO presenta neste ano 2003 DILLEI; mistura de teatralidade e música, novas tendencias, a stand-up comedy, instalacións de video en pantalla xigante, dj en directo e, coma non, moito humor. Todo isto e moito máis leva consigo DILLEI, un novo camiño e un novo xeito de entender, ver, oir e disfrutar do musical en Galicia.