25 de maio 2004 - CAMPUS DE LUGO - 21:00 horas
AUDTORIO GUSTAVO FREIRE. ENTRADA LIBRE.

26 de maio 2004 - CAMPUS DE COMPOSTELA - 21:00 horas
AUDTORIO DA UNIVERSIDADE. ENTRADA LIBRE.

ALTURAS, nace en Lima o 22 de abril de 1978, no seo do coro Tuna Universitaria Nueva Amistad (TUNA), dirixido naqueles tempos polo Dr. Aurelio Tello Malpartida, distinguido musicólogo latinoamericano. Desde entón manteñen unha actividade ininterrompida difundindo, seria e profesionalmente, a realidade peruana a través da música e da danza.

En 1990, realiza a súa primeira xira europea a través da asociación de intercambio cultural entre Europa e América Latina Alturas e.v. con sede en Karlsruhe, Alemaña. Actualmente o Grupo reside en Madrid, desde onde desenvolve un importante labor de difusión e interpretación dos diferentes xéneros musicais do Perú e Latinoamérica, dando énfase aos ritmos afroperuanos (procedentes dos escravos africanos levados polos españois), pouco coñecidos fora de Perú, facendo gala de poñer en escena máis de 50 instrumentos diferentes, todos eles acústicos.

Ademais de actuar en case todo o Perú, ALTURAS ten ofrecido numerosos concertos e participado en festivais realizados en prestixiosos escenarios de Alemaña, Austria, España, Francia, Inglaterra, Italia, Portugal, Polonia, Suíza, ex-Unión Soviética, Israel, Marrocos, Colombia, moitos deles representando oficialmente a Perú.

Innumerables comentarios da prensa especializada e varias produccións discográficas, dan testemuña do labor de recompilación, creación e difusión realizada por ALTURAS no eido da música tradicional do seu país, así como dos distintos e variados programas que presenta, dentro de criterios dunha depurada calidade e profesionalismo. Por todo isto, actualmente é considerada como a mellor agrupación artística peruana no estranxeiro.

ALTURAS son:
Edgar García Cassio, voz, mandolina, charango, guitarra, percusión.
Lucho Medina Pajares, voz, caixón peruano, percusións, charango e zampoñas.
Manuel García Reategui, voz, guitarra, baixo acústico, quena, zampoñas e percusión.
Alberto Calderón Delgado, voz, instrumentos de vento e percusión.