Michael Nyman é un dos compositores británicos máis innovadores e recoñecidos. No seu traballo compaxina óperas e concertos para orquestra con cuartetos de corda e bandas sonoras. Entre os seus éxitos figuran a música do filme El Piano, a aclamada ópera O home que confundiu a súa esposa cun sombreiro e colaboracións cunha longa lista de músicos, dende Harrison Birtwistle a Damon Albarn. Esa creatividade artística multifacética converteuno nunha das iconas culturais máis influentes do noso tempo. O ano pasado trouxo para Nyman, entre outros proxectos, a produción dunha nova ópera, Head of State, a música do novo espectáculo do Ballet Real inglés, un encargo para o oitenta aniversario de Ennio Morricone e múltiples concertos coa súa banda, dende a Ópera de Sydney ata o Primavera Sound de Barcelona.

Máis información en:
Web de Michael Nyman