Manu Dibango é o jazzman camerunés máis coñecido. Destaca pola súa ambivalencia en instrumentos tan diferentes como o saxo, o vibráfono, o piano ou a frauta. Membro fundador nos sesenta da banda African Jazz, ten colaborado con artistas como Fela Kuti, Sly Dunbar, Robbie Shakespeare, Don Cherry ou Fania All-Stars. O seu amor polo jazz e pola música tradicional africana levouno a combinar estilos diferentes para crear o seu son particular a base de jazz, reggae, rap e outros elementos. Autor de máis de vinte álbums, o último, African Woodoo, reúne temas inéditos dos setenta concibidos como ilustracións sonoras para o cine, a televisión ou a publicidade.

Máis información en:
Web de Manu Dibango
MySpace Manu Dibango