Nosffel é un grupo inclasificable, que se sitúa na vangarda do pop rock étnico. Inventores do trip hop ópera e referencia da música experimental en toda Europa, pasando polo jazz, o rock e a electrónica, sobre o escenario a alma de Nosfell é un artista con múltiples voces que canta en inglés, francés e un idioma propio, a lingua de ‘Kloklchazia’, o seu delirante mundo imaxinario. A voz e a guitarra de Labyala Fela Dá Jawid Fel e o violoncelo de Pierre Lle Bourgeois converten cada concerto nun espectáculo místico que fai de punto de unión entre a diversidade da música francesa, a europea, o jazz e o trip hop.