Mísia vén de presentar o seu noveno álbum, Ruas, que dividiu en dous CDs como un xeito de representar as dúas fiestras cara as que dá a súa música. A primeira fiestra amosa Lisboa desde a distancia, desde o París no que viviu a cantante os últimos catro anos. É un disco persoal, fondo e sentido, como o fado máis tradicional. A segunda fiestra dá cara ao resto do mundo, nunha sorte de disco outsider con versións dos Joy Division e dos Nine Inch Nails e cancións turcas, napolitanas e xaponesas. Despois de Amália Rodrigues, foi Mísia quen volveu levar o fado a todos os rincóns do mundo, de Tokio a París, de Roma a Nova York. Agora, esta artista excepcional decidiu meter o mundo todo dentro fado.

Máis información en:
Web de Mísia