Despois de catro días de intensa actividade, nos que Santiago de Compostela se converteu nun fervedoiro cultural e musical, WOMEX 14 chega á súa fin converténdose na edición máis concorrida do últimos cinco anos.

WOMEX abrangue proxeccións de filmes na Cidade da Cultura, e tamén, por primeira vez este ano, programación na cidade aberta ao público, co título “From Berlin to the World”. O tango arxentino en Finlandia, as mariachis mexicanas ou a cultura reggae poderán verse a través de tres documentais.

Nas noites do xoves 23, venres 24 e sábado 25 de outubro haberá 18 concertos na Praza da Quintana, para os que saen á venda entradas a 20 euros cada noite (anticipada). Aínda se pode obter un bono de 55 euros para ver os demais espectáculos, ademais de na Quintana, no Auditorio Abanca, o Teatro Principal, o Salón Teatro, o Auditorio de Galicia ou a Sala Capitol.